.

Алт, газрын тосны үнэ өсөв
Нью-Йоркийн бирж дээр алтны үнэ бага зэрэг нэмэгдэн хоёрдугаар сард нийлүүлэх нэг унц алтны үнэ 22,7 доллароор өсч, 1,405,6 доллар болжээ.
Түүнчлэн үнэт металлын нэг мөнгөний үнэ нэмэгдсэн байна. Хоёрдугаар сард нийлүүлэх мөнгөний үнэ 3,7 хувиар өсч, нэг унц мөнгө 30.323 доллар хүрчээ.
Үүнээс гадна долларын ханш ялимгүй буурснаар газрын тосны үнэ өсөхөд нөлөөлжээ. Түүнчлэн Европ болон Америкийн зүүн нутгийг хамарсан цасан шуурганы улмаас газрын тосон бүтээгдэхүүний эрэлт их байгаа нь мөн үнэ өсөх хүчин зүйл болж байгаа юм. Нью-Йоркийн бирж дээр хоёрдугаар сард нийлүүлэх цайвар газрын тосны үнэ 49 центээр өсч, нэг торх газрын тос 91.49 доллар болжээ.